Papa Francestg ha nominau Joseph M. Bonnemain, delegau digl administratur apostolic ed official dalla diocesa da Cuera, niev uestg da Cuera (mira „Kurzvita“ sin PDF) / foto1 / foto2.

Igl administratur apostolic digl uestgiu da Cuera, uestg Peter Bürcher, gratulescha a Joseph M. Bonnemain per sia nominaziun e giavischa ad el per il futur benedicziun divina. Questa sera vegnan uestg Peter Bürcher, uestg auxiliar Marian Eleganti ed il nievnominau uestg a celebrar communablamein allas 18.00 en la catedrala da Cuera ina sontga messa per ils basegns da tuts carstgauns digl uestgiu – sco segn d’unitad. Tuttas baselgias dalla diocesa san separtizipar entras tuccar ils zenns allas 18.00.

In salid dil nievelegiu uestg anfleis Vus cheu: (Link sin PDF)

Entochen l’ordinaziun ed installaziun da Joseph M. Bonnemain – il datum vegn communicaus aschi spert sco pusseivel – vegn igl adminstratur aposolic a menar vinavon la diocesa. Informaziun ord il dretg canonic: (Link sin PDF)

El medem mument fa la diocesa da saver, che Papa Francestg hagi acceptau la supplica per pensiunament da uestg auxiliar Marian Eleganti cun datum dils 4 da december 2019 (“nunc pro tunc”, “ussa per pli tard”). Quella va en vigur cul di dad oz. Uestg auxilliar Marian Eleganti ha giu supplicau Papa Francestg per siu pensiunament. Igl uestgiu engrazia a uestg auxiliar Marian Eleganti per siu schazegiau e prezius survetsch da biars onns. Uestg auxiliar Marian ei engaschaus dapi onns sco uestg e pastur dallas olmas ed era sco referent e per exercezis en Svizra ed en autras tiaras. Quei vegn a restar era per igl avegnir.

Cuera, 15 da fevrer 2021

Giuseppe Gracia
Delegau per medias e communicaziun
Gracia[at]bistum-chur.ch